Davvisamegillii

Koneen Säätiö (Kone Foanda) lea iehčanas ja sorjjasmeahttun organisašuvdna. Dat buorida máilmmi, nu ahte dat hukse vejolašvuođaid friija ja máŋggajienat diehtagii ja dáidagii. Foandda vuođđobargun lea ruhtadit dieđaolbmuid ja dáiddáriid barggu.

Veahkkeruđaiguin mii doarjut dieđalaš dutkanbarggu, dáidaga ja kultuvrra ja maiddái diehtaga fállama iešguđegelágan geahččiide ja guldaleaddjiide. Mii atnit árvvus máŋggasuorggatvuođa ja vuorddekeahtes geahččanguovlluid ovttastahttima.

Koneen Säätiö veahkkeruđat ohccojit jahkásaččat 1.–15. čakčamánu. Diehtagis foanda doarju humanisttalaš, servodatdieđalaš ja birasdieđalaš dutkamuša ja vel dáiddalaš dutkamuša. Dáidagis mii doarjut ámmátlaš bargama buot dáiddasurggiin. Ruhtadeami sáhttet ohcat suopmelaš ja olgoriikalaš ohccit. Prošeavttain, mat ruhtaduvvojit, galgá leat čanastat Supmii.

Koneen Säätiö fuolaha Saari gárdima riikkaidgaskasaš dáiddár- ja dutkiresideanssas Mynämäkis.

Resideansabáikki sáhttet ohcat iešguđet suorggi olgoriikalaš ja suopmelaš ámmátdáiddárat, girječállit, diktačállit, jorgaleaddjit, šuokŋadahkkit, kuráhtorat, kritihkkarat ja dáiddárjoavkkut.

Jagi 2022 Koneen Säätiö juolludii veahkkeruđaid, bálkkašumiid ja skeŋkejumiid oktiibuot badjelaš 48 miljovnna euro.

Koneen Säätiö neahttasiiddut leat suomagillii ja eaŋgalasgillii. Jos dus leat gažaldagat min veahkkeruđaid birra, de gávnnat min oktavuođaváldindieđuid dáppe.