Anarâškielân

Koneen Säätiö -siäđus lii jiečânâs já sorjomettum ornijdume, mii pyereed maailm falâmáin hinnáid rijjâ já maaŋgâjienâlii tiettui já taiđui. Siättus váimustoimâ lii ruttâdiđ tiettuu- já taiđuurähtei pargo. Mij tuárjup išeruđâiguin tieđâlii tutkâmpargo, taiđuu já kulttuur sehe tiettuu tuálvum sierâlágán olmoošjuávhui olán.  Mij anneep áárvust maaŋgâ syergi já vyerdimettum uáinui ovtâstittem.

Koneen Säätiö išeruuđah láá uuccâmnáál jyehi ive 1.–15. čohčâmáánu. Tiettust siättus tuárju humanistlii, ohtsâškoddetieđâlii já pirâstieđâlii tutkâmuš sehe taaiđâlii tutkâmuš. Taiđust mij tuárjup áámmátlii porgâm taiđuu puoh suorgijn. Ruttâdem pyehtih uuccâđ syemmiliih já olgoeennâmlii occeeh, mutâ ruttâdemnáál projektijn kalga leđe ohtâvuotâ Suomân.

Koneen Säätiö paijeentuálá Saaren kartano aalmugijkoskâsii taaiđâr- já totkeeresidens Mynämäkist.

Residenssaje pyehtih uuccâđ sierâ suorgij olgoeennâmliih já syemmiliih áámmáttaaiđâreh, kirječälleeh, tihtâčälleeh, jurgâleijeeh, nuottârähteeh, kuraattoreh, kritijkkáreh já taaiđârjuávhuh.

Ive 2022 Koneen Säätiö mieđettij išeruuđâid, palhâšuumijd já skeŋkkiimijd ohtsis paijeel 48 miljovn eurod.

Koneen Säätiö nettisiijđoh láá suomâkielân já eŋgâlâskielân. Jis tust láá koččâmušah mii išeruuđâin, te kaavnah mii ohtâvuotâtiäđuid tääbbin.