Soomaali

Kone Foundation waa urur/aasaas madax-bannaan oo cidna aan ku tiirsanayn, kaasoo horumariya adduunka isagoo abuura fursadaha codad badan ee cilmiyeed iyo farshaxan oo xur ah. Gundhigga dhaqdhaqaaqa ganacsiga ee ururka, waxaa weeyaan maalgelinta hawlaha xirfadlayaasha sayniska iyo farshaxanka. Ururka/aasaaska wuxuu abaal-mariyaa cilmi-baarista sayniska, fanka iyo dhaqanka iyo faafintooda. Ururka/aasaaska wuxuu kaloo siyaabo kala duwan u qiimeeyaa iskudarka aragtiyada lama filaanka ah.

Sannad kasta markii taariikhda ay ku beegan tahay 1-15 setembar, ayaa qoondaynta aasaaska la codsan karaa. Dhinaca sayniska wuxuu ururka/aasaaska taageeraa cilmibaarista aadanaha, aqoonta bulshada, cilmiga bay`adda iyo farshaxanka. Halka dhinaca farshaxanka u ururka/aasaaska taageero dhammaan hawlgallada xirfadyahaanada farshaxanada. Xirfadyahaanada ku nool dalka Finland iyo dibadda ba maalgelinta way codsan karaan, laakiin kuwa maalgelinta dibadda ka soo dalbada waa in mashruucooda u lug ku leeyahay dalka Finland.

Ururka/aasaaska Kone Foundation wuxuu kaloo maamula hoyga caalamiga Saari Residence, e ku yaalo Mynämäki, dalka Finland, kaasoo loogu talagalay hal-abuureyaasha iyo cilmi-baareyaasha.

Goobta degenaanshaha waxaa shaqsi ahaan boos ka codsan karo xirfadyahaanada laamaha fanka iyo suugaanta ee kala duwan, ha ahaadeen shisheeye ama muwatinyiinta dalka Finland, kuwaasoo ay kamid yihiin qoraa, abwaan, turjumaan, curiyahan, la taliyeha arrimaha bulshada, dhaleecayeye kooxaha fanka iyo suugaanta.

Markii sannadka u ahaa 2022 wuxuu Ururka/aasaaska Kone Foundation bixiyay abaal-marinno iyo deeqo oo qiimahooda isku-darkii ahaa 48 miljan.

Barta internetka ee Ururka/aasaaska Kone Foundation waxaa laga akhrisan karaa warbixin ku qoran af-finish iyo af-ingriisi.

Wixii su`aallo ah oo xiriir la leh qoondaynteenna waxaad kala xiriiri kartaa cinwaanada hoos kaaga muuqda.